Yushchenko ukrainaliklarni «Moskvagacha borish»ga chaqirdi

Ukraina sobiq prezidenti Viktor Yushchenko Kiyev g‘alaba qozonishi uchun «Moskvagacha borish» kerakligini aytdi.  

«G‘alaba nimaligini hamma har xil tushunadi. Kimlardir urush bo‘layotgan chiziqda qolish kerakligini aytmoqda. Men bunday qilolmayman», — dedi u.

Yushchenko Ukraina 1991 yildagi chegaralariga erishishi kerakligi to‘g‘risidagi fikrga qo‘shilmasligini aytdi.  

«Bunday fikrdagilar farzandlari va nabiralariga eng katta muammoni meros qilib qoldirishadi. Moskvagacha borish kerak! Moskva rejimi mavjud ekan, dunyodagi hech bir inson, hech bir millat, hech bir davlat o‘zini xavfsizlikda his qilolmaydi», dedi sobiq prezident.

Viktor Yushchenko Ukrainani 2005-2010 yillarda boshqargan.