Qoʻshimcha funksionallar
-
Tungi ko‘rinish
Raqobat qo‘mitasi Forsil reklamasi uchun Nika Pharm’ni jarimaga tortdi
Bunga reklama qonunchiligiga zid ravishda biologik faol qo‘shimchaning davolash xususiyatlari haqida ma’lumot berilgani sabab bo‘lgan.
Foto: Yandex Maps
Reklama qonunchiligi buzilishi yuzasidan Nika Pharm korxonasiga nisbatan moliyaviy jarima qo‘llandi. Bu haqda Raqobat qo‘mitasi matbuot xizmati xabar berdi.
Qo‘mita olib borgan monitoringlar natijasida kompaniya tomonidan ijtimoiy tarmoqlarda «Forsil — og‘riq mutlaqo izsiz ketadi» mazmunidagi reklama tarqatilgani ma’lum bo‘ldi.
O‘rganish natijalarida ushbu reklama «Reklama to‘g‘risida»gi qonun talabiga zidligi aniqlandi. Qonunning 35-moddasi 1-qismiga muvofiq, biologik faol qo‘shimchalar (BAD) reklamasida ular davolash xususiyatiga ega deb tasavvur uyg‘otishga yo‘l qo‘yilmaydi.
Mazkur holat yuzasidan qo‘mita maxsus komissiyasi tomonidan korxonaga nisbatan ish qo‘zg‘atilib, moliyaviy jarima qo‘llash bo‘yicha qaror qabul qilindi.
Shuningdek, qonunbuzilish holatini bartaraf etish va kelgusida yo‘l qo‘ymaslik yuzasidan ko‘rsatma berildi.
Mavzuga oid
21:03 / 04.12.2025
ChatGPT ichida reklama paydo bo‘ldi, hatto premium obunachilar ham uni ko‘ryapti
16:04 / 01.12.2025
Iste’molchi murojaatlari uchun yangi onlayn platforma ishga tushirildi
13:33 / 27.11.2025
Xorazmda tibbiyot birlashmalari 160 ming iste’molchidan asossiz mablag‘ olgani aniqlandi
14:14 / 24.11.2025