Toshkentda Maxtumquli ko‘chasining bir qismi qariyb bir oyga yopildi

Toshkent markazidan Maxtumquli ko‘chasi bo‘ylab “Tashselmash” chorrahasi tomonga ketishda, yo‘lning sobiq “TashMI” oldidagi ko‘prik ostidan o‘tgan qismi 1 noyabrgacha yopildi. Sabab – yo‘lta’mir ishlari.

Foto: Yashnobod tumani hokimligi

5 oktyabrdan 1 noyabrgacha Toshkentdagi Maxtumquli ko‘chasining ko‘prikosti qismida avtomobil yo‘lining bir qismida harakat vaqtincha cheklanadi.

Toshkent kichik halqa avtomobil yo‘li (THAY)ning Maxtumquli ko‘chasi bilan kesishmadagi ko‘prikosti qismida yo‘l infratuzilmasini yangilash ishlari olib boriladi.

2025 yilning 1 noyabr kuniga qadar ishlar yakunlangach, yo‘l harakati to‘liq tiklanadi.