Misr O‘zbekistonda tibbiy kosmetika vositalarini ishlab chiqaradi

O‘zbekiston elchixonasida Misrning Luna Group Pharmaceutical kompaniyasi direktori Jorj Amin Maykl bilan uchrashuv bo‘lib o‘tdi.

Foto: "Dunyo" AA

Uchrashuv chog‘ida mamlakatlar o‘rtasida tibbiy kosmetika vositalarini ishlab chiqarish yo‘nalishida hamkorlikni yo‘lga qo‘yish, jumladan, kompaniyaning O‘zbekistonda filialini ochish va import o‘rnini bosuvchi mahsulotlar ishlab chiqarish masalalari muhokama qilindi.

Misr tomoniga mintaqaning eksport imkoniyatlari va bozorlar salohiyati haqida ma’lumot berildi.

Jorj Amin Maykl tibbiy kosmetika vositalarini O‘zbekistonda ishlab chiqarishni yo‘lga qo‘yish masalalarini o‘zbek sheriklar bilan muhokama qilishga tayyorligini bildirdi.

Misr vakiliga joriy yilda Toshkent shahrida bo‘lib o‘tadigan ko‘rgazmalarda kompaniya mahsulotlari bilan ishtirok etish taklifi bildirildi.