AQSh Senati qo‘mitasi RFni terrorizm homiysi sifatida belgilashni ma’qulladi

AQSh senatori Lindsi Grem Senatning Tashqi aloqalar qo‘mitasi Rossiyani terrorizmning homiysi sifatida belgilash to‘g‘risidagi qonun loyihasini qo‘llab-quvvatlaganini e’lon qildi. Bu Gremning ushbu maqsadga erishish uchun uchinchi urinishi.

Foto: picture alliance/Middle East Images

AQSh Senatining Tashqi aloqalar qo‘mitasi respublikachi senator Lindsi Gremning Rossiyani terrorizm homiysi sifatida belgilash to‘g‘risidagi qonun loyihasini bir ovozdan qo‘llab-quvvatladi. Bu haqda Gremning veb-saytida chorshanba, 22 sentabr kuni xabar berildi.

Qonun loyihasida Rossiya o‘g‘irlangan ukrainalik bolalarni qaytarmasa, terrorizm homiysi sifatida belgilanishi aytilgan. Qonun loyihasi hali Vakillar palatasi va Senatning to‘liq tarkibi tomonidan ko‘rib chiqilishi va keyin AQSh prezidenti tomonidan tasdiqlanishi kerak.

Grem Rossiyani terrorizmning homiysi deb e’lon qilish «Rossiya iqtisodiyoti uchun halokatli oqibatlarga olib kelishini» ta’kidladi. Hozirda bu nomga to‘rtta davlat egalik qiladi: Kuba, Eron, Suriya va Shimoliy Koreya.

Bu Grem boshchiligidagi AQSh senatorlarining Rossiyani terrorizm homiysi deb e’lon qilish bo‘yicha birinchi urinishi emas. Ular shunga o‘xshash qonun loyihalarini 2022 yil sentabr va 2024 yil iyun oylarida taqdim etgan.

2025 yil mart oyida Grem Rossiyaga «sanksiyalar do‘zaxi» va’da qildi va muzlatilgan 300 milliard dollardan ortiq Rossiya aktivlarini musodara qilishga chaqirdi. Bu tashabbuslarning barchasi amalga oshirilmadi.