Qozog‘istonning SCAT aviakompaniyasi O‘zbekistonga yangi reyslarni yo‘lga qo‘yadi

Qozog‘istonning SCAT aviakompaniyasi Turkiston shahrining Hazrat Sulton (HSA) xalqaro aeroportidan O‘zbekistonning uchta shahriga: Urganch, Buxoro va Samarqandga bevosita reyslarni yo‘lga qo‘ymoqda. Parvozlar dekabr oyida boshlanadi va chiptalar allaqachon sotuvga chiqarilgan.

Turkiston — Urganch — Turkiston yo‘nalishi bo‘yicha reyslar 2025 yil 1 dekabrdan boshlanishi rejalashtirilgan. Parvozlar dushanba, juma va yakshanba kunlari amalga oshiriladi.

Turkiston — Buxoro — Turkiston yo‘nalishi bo‘yicha reyslar shu yilning 2 dekabridan seshanba, payshanba va shanba kunlari boshlanishi rejalashtirilgan.

Turkiston — Samarqand — Turkiston yo‘nalishi bo‘yicha reyslar shu yilning 3 dekabridan boshlanishi rejalashtirilgan. Parvozlar chorshanba, juma va yakshanba kunlari amalga oshiriladi.

Ta’kidlanishicha, yangi yo‘nalishlarning ishga tushirilishi Qozog‘iston va O‘zbekiston o‘rtasidagi transport imkoniyatlarini kengaytiradi va mintaqadagi shaharlar o‘rtasida sayohatni yanada qulaylashtiradi.