AQSh Rossiyaga tinchlik rejasining tuzatish kiritilgan loyihasini topshirdi

Rossiya prezidenti Vladimir Putinning matbuot kotibi Dmitriy Peskovning aytishicha, AQSh Kremlga Ukraina bo‘yicha tinchlik rejasining «asosiy parametrlarini» yuborgan, ular Jyenevadagi AQSh va Ukraina maslahatlashuvlari yakunlari bo‘yicha allaqachon qayta ishlangan. Uning so‘zlariga ko‘ra, hujjat Moskvaga topshirilgan va u bo‘yicha suhbat kelasi haftaga rejalashtirilgan.

23 noyabr kuni Ukraina va AQSh delegatsiyalari Jyenevada uchrashuv o‘tkazdi, uning yakunlari bo‘yicha, prezident Volodimir Zelenskiy so‘zlariga ko‘ra, tomonlar «tinchlik bo‘yicha yangilangan va takomillashtirilgan hadli hujjatni» tayyorladi. Kiyev «sezilarli taraqqiyotni» e’lon qildi va har qanday yakuniy matn adolatli tinchlikni ta’minlashi va Ukrainaning to‘liq suverenitetini saqlab qolishi kerakligini ta’kidladi. Peskovning ta’kidlashicha, aynan shu qayta ko‘rib chiqilgan variant Rossiyaga topshirilgan.

Tinchlik rejasi dastlab 28 banddan iborat edi. Jyenevada Ukraina va AQSh delegatsiyalari hujjatni sezilarli darajada o‘zgartirdi: bandlar soni 28 tadan 19 taga qisqartirildi va eng rossiyaparast pozitsiyalar chiqarib tashlandi. Kiyevning ta’kidlashicha, «dastlabki versiyadan juda oz narsa qolgan».