Yurak uchun eng foydali mahsulotlar aytildi

Muntazam ravishda choy, qahva, rezavor mevalar, yong‘oq va zaytun moyi iste’mol qilish yurak-qontomir kasalliklariga chalinish xavfini kamaytiradi, degan xulosaga keldi King’s College London tadqiqotchilari.

Foto: Shutterstock

BMC Medicine nashrining yozishicha, ular 11 yil davomida 3,1 mingdan ortiq insonga oid ma’lumotlarni o‘rganib chiqishgan.

Olimlar tadqiqot davomida polifenollarga boy 20ta mahsulot asosida «polifenol indeksi»ni tuzishdi. Ma’lum bo‘lishicha, ushbu mahsulotlarni muntazam iste’mol qilgan kishilarda qon bosimi va xolesterin miqdori me’yorida bo‘lgan.

Tadqiqot mualliflarining fikricha, choy yoki rezavor mevalarning muntazam iste’mol qilinishi yosh o‘tgan sari yurak-qontomir kasalliklariga chalinish ehtimolini kamaytiradi.