Hafta davomida hududlarda yog‘ingarchilik kuzatiladi

17–19 dekabr kunlari O‘zbekiston bo‘yicha yog‘ingarchilik kuzatiladi, deya xabar bermoqda «O‘zgidromet».

Dushanba kunning birinchi yarmida Farg‘ona vodiysi viloyatlarida ba’zi joylarda yomg‘ir yog‘adi, qorga aylanishi mumkin. Toshkent, Samarqand, Jizzax, Sirdaryo, Qashqadaryo, Surxondaryo viloyatlarida ertalab biroz yog‘ingarchilik (yomg‘ir, ho‘l qor) bo‘ladi, kunduzi yog‘ingarchilik kutilmaydi. Respublikaning tog‘li hududlarida yog‘ingarchilik kutilmaydi. Harorat +2…+5 daraja bo‘ladi.

Seshanba kuni ertalab O‘zbekiston hududi bo‘yicha yog‘ingarchilik kutilmaydi, faqat kechga tomon respublika bo‘yicha ba’zi joylarda yomg‘ir yog‘ishi mumkin. Harorat kechasi –2…+3 daraja, kunduzi +5…+10 daraja bo‘ladi.

Chorshanba–juma kunlari respublikaning aksariyat viloyatlarida vaqti-vaqti bilan yog‘ingarchilik (yomg‘ir qorga aylanadi) bo‘ladi. Qoraqalpog‘iston Respublikasi va Xorazm viloyatida asosan yog‘ingarchiliksiz ob-havo kuzatiladi.

Harorat 17 dekabrda kechasi +1…+4 daraja, kunduzi +4…+7 daraja iliq bo‘ladi, 18–19 dekabrda kechalari harorat asta-sekin 0…–3 darajagacha pasayadi, kunduzi 0…+3 daraja bo‘ladi.

Respublika bo‘yicha ba’zi joylarga tuman tushadi. Shamol 7–12 metr/soniya tezlikda esadi. Tog‘li hududlarda vaqti-vaqti bilan qor yog‘adi, 17–18 dekabrda ba’zi joylarda kuchli bo‘ladi. Qor ko‘chishi xavfi bor.

Toshkent shahrida dushanba kuni harorat +3…+5 daraja bo‘ladi. 16 dekabr kuni kechga tomon yomg‘ir yog‘ishi mumkin. Harorat kechasi –1…+1 daraja, kunduzi +7…+9 daraja bo‘ladi.

17–19 dekabrda vaqti-vaqti bilan yog‘ingarchilik (yomg‘ir, 18–19 dakabrda qorga aylanadi) bo‘ladi. Harorat 17 dekabrda kechasi +2…+4 daraja, kunduzi +5…+7 daraja bo‘ladi, 18–19 dekabrda kechalari harorat asta-sekin 0…–3 darajagacha pasayadi, kunduzi 0…+3 daraja bo‘ladi.