O‘zbekistonda energiya resurslari ishlab chiqarish ko‘rsatkichlari e’lon qilindi

O‘zbekistonda 2025 yilning yanvar–oktyabr oylarida ko‘mir qazib olish hamda neft-gaz va yonilg‘i mahsulotlari ishlab chiqarish bo‘yicha qator ko‘rsatkichlar qayd etilgan. Xususan, 10 oyda 7,5 mln tonna ko‘mir qazib olingan.

Milliy statistika qo‘mitasi ma’lumotlariga ko‘ra, yanvar–oktyabr oylarida ko‘mir qazib olish hajmi 7,5 mln tonnani tashkil etgan. Bu ko‘rsatkich o‘tgan yilning mos davriga nisbatan 0,2 mln tonnaga ko‘paygan.

Shuningdek, mazkur davrda ayrim turdagi sanoat mahsulotlari ishlab chiqarish hajmlari quyidagicha bo‘lgan:

avtomobil benzini — 1,1 mln tonna;
dizel yonilg‘isi — 1,1 mln tonna;
neft — 601,2 ming tonna;
tabiiy gaz — 38,9 mlrd kub.m;
gaz kondensati — 1 mln tonna.

Bundan tashqari, sanoat ishlab chiqarishida mashinasozlik yo‘nalishi ham qayd etilgan bo‘lib, 10 oyda avtomobil dvigatellari ishlab chiqarish hajmi 227 085 donani tashkil etgan.

Keltirilgan raqamlar 2025 yil yanvar–oktyabr (10 oy) davri bo‘yicha taqdim etilgan.

Tayyorlagan: Отабек Матназаров

#energiya #statistika