Ipak Yuli Bank 2025 yil yakunlarini sarhisob qildi

Yil yakunlari bank ishiga bo‘lgan tizimli yondashuvni ko‘rsatadi: chakana yechimlar rivoji, tadbirkorlikni qo‘llab-quvvatlash, xalqaro moliyaviy institutlar ishonchini mustahkamlash va mijozlar hamda mamlakat iqtisodiyoti uchun barqaror moliyaviy muhit yaratish.

Strategik transformatsiya va rebrending

2025 yil kuzida Ipak Yuli Bank yangilangan Think BIG / Katta maqsadlar sari strategik platformasini taqdim etdi. Rebrending bank rivojlanishida yangi — yanada yetuk, keng ko‘lamli va uzoq muddatli maqsadlarga yo‘naltirilgan bosqichni boshlab berdi.

Yangilanish nafaqat vizual aydentikani, balki brend falsafasini ham qamrab oldi: mijozlarning katta maqsadlariga e’tibor, iqtisodiyotning barqaror rivoji va bankning ishonchli moliyaviy hamkor sifatidagi o‘rni. Think BIG platformasi yil davomida amalga oshirilgan asosiy tashabbuslar uchun umumiy asos bo‘lib xizmat qildi — xalqaro moliyalashtirishdan tortib chakana mahsulotlar ishga tushirilishigacha.

Chakana biznes va mahsulot ekotizimini rivojlantirish

2025 yil mart oyida bank Woman Card — ayollar va ularning kundalik moliyaviy ehtiyojlariga yo‘naltirilgan yangi formatdagi chakana mahsulotni ishga tushirdi. Woman Card bank xizmatlari, hamkorlik takliflari va imtiyozlar tizimini birlashtirib, ayollarni qo‘llab-quvvatlash ekotizimining bir qismiga aylandi.

Mahsulot ishga tushirilishi Visa Awards doirasida Outstanding Women’s Card Launch mukofoti bilan e’tirof etildi. Bugungi kunda Woman Card — 150 000+ mijoz ayollar va chakana savdo, xizmatlar, ta’lim, restoranlar hamda sog‘liqni saqlash sohalaridagi 120+ hamkorni birlashtiradi.

Yilning eng e’tiborga molik mahsulotlaridan biri Visa PUBG MOBILE kartasi bo‘ldi. U yosh auditoriya va geymerlar hamjamiyatiga yo‘naltirilgan bo‘lib, yangi avlod mijozlari bilan dialogni yo‘lga qo‘yishga xizmat qildi. Loyiha Visa Awards’da Gen Z Collaboration — Pioneering in E-sport mukofoti bilan taqdirlandi.

Raqamli tajriba sifati chakana biznes o‘sishining muhim omillaridan biriga aylandi. Ipak Yuli Mobile ilovasi CX Banking Index doirasida First Impression nominatsiyasida kumush, Daily Banking nominatsiyasida esa bronza mukofotiga sazovor bo‘ldi, bu servisning qulayligi va barqarorligini tasdiqlaydi.

Kuchli brend va dijital maydondagi faollik

2025 yil yakunlariga ko‘ra, Ipak Yuli Bank O‘zbekistonning onlayn muhitda eng ko‘zga ko‘ringan bank brendlaridan biri sifatida o‘z pozitsiyasini mustahkamladi. 1 yanvardan 22 dekabrgacha bo‘lgan davrda brend 112 749 marta tilga olindi, umumiy auditoriya faolligi esa 1,38 mln reaksiyadan oshdi. Xabarlar mazmuni asosan neytral va ijobiy bo‘lib, bank atrofidagi ishonchli fonni aks ettirdi.

Mukofotlar va xalqaro e’tirof

2025 yilda bank yutuqlari xalqaro va mahalliy professional institutlar tomonidan keng e’tirof etildi.

Asosiy mukofotlar qatorida:

• Outstanding Women’s Card Launch, Gen Z Collaboration — Pioneering in E-sport, Marketing Partnership Excellence (Visa Awards);

• Cbonds Awards — “O‘zbekiston obligatsiya bozori yetakchisi”;

• Visa Business Premium Cards Launch va Best Visa Business Premium Issuer;

• Korporativ biznesni rivojlantirish va emissiya bo‘yicha Uzcard mukofotlari;

• “Yoshlar vektori” — EMBRAS 2025 (Ipak Generation loyihasi uchun);

• “Yashil” iqtisodiyotga qo‘shilgan hissa uchun GEFF YTTB doirasidagi ikki mukofot;

• EBRD Women in Business — Best Impact / Volume.

Biznes, SME va xalqaro moliyalashtirish

Mikro, kichik va o‘rta biznesni qo‘llab-quvvatlash bankning asosiy ustuvor yo‘nalishlaridan biri bo‘ldi. 2025 yil dekabr oyida YeTTB bilan 50 mln AQSh dollari miqdorida kredit liniyalari imzolandi, fevral oyida esa FMOdan 100 mln AQSh dollari jalb qilindi. 2013 yildan buyon FMO bilan hamkorlik hajmi 191 mln AQSh dollariga yetdi.

Shuningdek, bank JICA bilan 25 mln AQSh dollari miqdorida ayollar va yosh tadbirkorlarga alohida e’tibor qaratilgan to‘g‘ridan-to‘g‘ri kredit bitimini imzoladi. Bundan tashqari, Symbiotics Investment SA ko‘magida Inecobank CJSC bilan hamkorlik doirasida 10 mln AQSh dollari jalb etildi.

Biznes mijozlar uchun Visa Business va Visa Platinum Business kartalari ishga tushirildi, savdo moliyalashtiruvi, faktoring, ekvayring va xalqaro savdo uchun turli yechimlar rivojlantirildi.

ESG, inklyuziya va kelajak sari o‘sish

2025 yilda ESG yo‘nalishi yanada rivojlandi. Bank q.watt bilan hamkorlikda barqaror shahar mobilligini rivojlantirishga qaratilgan TashkentRide loyihasini ishga tushirdi va “yashil” tashabbuslarni davom ettirdi.

Ayollar tadbirkorligini qo‘llab-quvvatlash ham strategik ustuvor vazifa bo‘lib qolmoqda. Bank ta’lim va moliyalashtirish dasturlarini amalga oshirmoqda, WE-Finance Code tashabbusiga qo‘shildi hamda Visa bilan hamkorlikda global She’s Next dasturining O‘zbekistonda ishga tushirilishini e’lon qildi. Dastlabki bosqich Boshlang! konsepsiyasi ostida amalga oshirilmoqda.

Institutsional rivojlanish va jamoa

2025 yilda Ipak Yuli Bank AmCham Uzbekistan a’zosi bo‘lib, xalqaro biznes muloqoti va institutsional pozitsiyalarini mustahkamladi.

Yil yakunlari bankning barqaror o‘sishni ta’minlash va iqtisodiyot hamda mijozlar uchun qiymat yaratadigan yechimlarni joriy etish salohiyatini tasdiqlaydi.

2025 yil bank hayotida jamoaning hissasi yanada yaqqol namoyon bo‘ldi. Bugungi o‘sish va rivoj ortida 2 700 dan ortiq xodimning kundalik mehnati turibdi. Aynan shu ishonch, izchillik va bir yo‘nalishda harakat qilish bankni oldinga olib bormoqda.

Ipak Yuli Bank uchun bu yil natijalardan ko‘ra kengroq ma’noga ega bo‘ldi — u kelajak sari ishonch bilan qadam tashlash yili bo‘ldi.

Ipak Yuli Bank — katta maqsadlar sari.

Mijozlarga xizmat ko‘rsatish markazi: 1296, 78 140-69-00

Veb-sayt | Instagram | Telegram | LinkedIn