Ipak Yuli Bank EEFU bilan hamkorlikda islomiy moliyalashtirish yo‘nalishini kengaytirmoqda

Shariat tamoyillari asosida tadbirkorlikni qo‘llab-quvvatlash

Ajratilayotgan mablag‘lar mikro, kichik va o‘rta biznes sub’yektlarini, shuningdek, o‘z faoliyatini shariat normalariga muvofiq rivojlantirishni xohlovchi tadbirkorlarni moliyalashtirishga yo‘naltiriladi. Ushbu yangi resurs tadbirkorlarga halol, aniq va shaffof moliyaviy vositalardan foydalanish imkonini yaratib, ularning barqaror o‘sish salohiyatini kengaytiradi.

Islomiy moliyalashtirish — biznes uchun shaffof yondashuv

Islomiy moliyalashtirish — bu shariat qoidalariga asoslangan moliyaviy xizmatlar tizimi bo‘lib, eng avvalo, foiz olish va foiz to‘lashni taqiqlaydi, shuningdek, spekulyativ operatsiyalarni ham cheklaydi. An’anaviy kreditlash tizimidan farqli o‘laroq, bu yerda moliyalashtirish real savdo-sotiq va aktivlar oldi-sotdisiga asoslanadi.

Ushbu tizimdagi asosiy vositalardan biri — Murabaha (halol bo‘lib-bo‘lib to‘lash). Bunda moliyaviy tashkilot tovar, uskunalar yoki xomashyoni o‘zi xarid qiladi va mijozga oldindan kelishilgan narx ustamasi bilan bo‘lib-bo‘lib sotadi. Mijoz operatsiya boshidayoq to‘liq summani biladi: foizsiz va yashirin to‘lovlarsiz.

Moliyalashtirish faqat real aktivlar bilan ta’minlanishi mumkin — uskuna, texnika, xomashyo yoki ishlab chiqarish bilan bog‘liq aylanma mablag‘lar. “Pulning o‘zini sotish” yoki qayta sotish shaklidagi operatsiyalar shariatda ruxsat etilmaydi.

Islomiy moliyalashtirish aniq, halol va barqaror rivojlanishga xizmat qiluvchi alternativani taklif etadi.

Islomiy moliyalashtirishning afzalliklari:

• Foizlarsiz — barcha shartlar oldindan ma’lum.
• Shaffof oldi-sotdi modeli — kreditlash emas, savdo bitimi.
• Real aktivlarga asoslanganlik — xatarlarning kamayishi.
• Yashirin komissiyalar yo‘q, shartlar o‘zgarmaydi.
• Shariatga muvofiqlik — har bir bitim maxsus tekshiruvdan o‘tadi.
• Halollik va ishonch — operatsiyalar islom huquqi talablariga mos.

EEFU haqida

O‘zbekiston Iqtisodiy imkoniyatlarni kengaytirish jamg‘armasi (EEFU) quyidagi xalqaro tashkilotlar ko‘magida tashkil etilgan:

• Islom taraqqiyot banki (IsDB)
• Saudiya taraqqiyot jamg‘armasi (SFD)
• O‘zbekiston Tiklanish va Taraqqiyot Jamg‘armasi

Jamg‘arma O‘zbekistonda inklyuziv, barqaror iqtisodiy rivojlanishni qo‘llab-quvvatlaydi hamda islomiy moliyalashtirish tamoyillarini faol targ‘ib qiladi.

Hamkorlik ahamiyati

Mazkur kelishuv Ipak Yuli Bank’ning O‘zbekistonda islomiy moliyalashtirishni rivojlantirishga qaratilgan uzoq muddatli strategiyasining navbatdagi qadami hisoblanadi. Bank shariat talablariga mos moliyaviy mahsulotlar qatorini izchil kengaytirib, halol biznes yuritishni istovchi tadbirkorlar uchun qulay ekotizim yaratmoqda.

“Bu hamkorlik O‘zbekistonda islomiy bank xizmatlarini rivojlantirishdagi muhim qadamdir. Biz tadbirkorlar uchun halol moliyaviy vositalarni yanada ommalashtirishni, ularning barqaror biznes tashabbuslarini qo‘llab-quvvatlashni maqsad qilganmiz”, — deya ta’kidladi Ipak Yuli Bank vakillari.

Biznes uchun imkoniyatlar haqida batafsil ma’lumotni https://ru.ipakyulibank.uz/legal saytidan olishingiz mumkin.

Ipak Yuli Bank haqida

1990 yilda mustaqil O‘zbekistonning birinchi xususiy banki sifatida asos solingan Ipak Yuli Bank bugungi kunda 2,5 milliondan ortiq mijozga xizmat ko‘rsatmoqda. Bank chakana, korporativ va investitsion mahsulotlarning keng doirasini taklif etadi, 5 milliondan ziyod kartalarni muomalaga chiqargan hamda 900 dan ortiq bankomat va 20 000 POS-terminaldan iborat tarmoqqa ega.

Raqamli transformatsiyaning yetakchilaridan biri sifatida bank mijozlar tajribasini yaxshilash va barqaror rivojlanishga alohida e’tibor qaratadi. Ipak Yuli Bank We-Finance Code tashabbusiga qo‘shilgan, ESG standartlariga amal qiladi va ISO 9001 hamda ISO 14001 xalqaro sertifikatlariga ega. Bank aksiyadorlari qatorida DEG (Germaniya) va Triodos Investment Management (Niderlandiya) kabi nufuzli xalqaro moliya institutlari mavjud.

 Bankning ishonchliligi xalqaro reytinglar (Fitch — B, Moody’s — B1) va ADB’ning Savdo va ta’minot zanjiri moliya dasturi (TSCFP) doirasidagi Confirming Bank maqomi bilan tasdiqlangan. So‘nggi yillarda Ipak Yuli Bank marketing, raqamli innovatsiyalar, kartalar emissiyasi va barqaror rivojlanish borasidagi yutuqlari uchun Visa, Mastercard, Uzcard va Yevropa Tiklanish va taraqqiyot banki (EBRD) tomonidan bir qator xalqaro mukofotlarga ega.

Ipak Yuli Bank — Think Big / Katta maqsadlar sari

Mijozlarga g‘amxo‘rlik qilish boshqarmasi telefon raqami: 1296, 78 140-69-00

Veb-sayt: ipakyulibank.uz 

Bank ijtimoiy tarmoqlari: Instagram | Telegram | Linkedin

Reklama huquqi asosida