Tramp dunyodagi ehtimoliy «eng yomon» davlatni aytdi

Somali, ehtimol, dunyodagi eng yomon va korrupsiyalashgan davlatdir, dedi AQSh prezidenti Donald Tramp Truth Social ijtimoiy tarmog‘ida va somaliliklarni vataniga qaytarishni talab qildi.

AQSh prezidentining ta’kidlashicha, «Minnesotadagi firibgarliklarning katta qismi, ya’ni 90 foizigacha Somalidan mamlakatga noqonuniy ravishda kelgan odamlar tomonidan sodir etiladi».

«Ularni qayerdan kelgan bo‘lsa, o‘sha yerga, Somaliga, ehtimol, yer yuzidagi eng yomon va eng korrupsiyalashgan mamlakatga jo‘nating», deb yozadi u.

Birinchi prezidentlik muddatida u bir qator davlatlar, jumladan, Somali fuqarolariga Qo‘shma Shtatlar hududiga kirishni taqiqladi, biroq AQSh navbatdagi prezidenti Jo Bayden bu qarorni bekor qildi. Tramp ikkinchi prezidentlik muddatiga kirishganida taqiqni tikladi va unga yana bir necha davlat fuqarolarini qo‘shdi.

Bundan tashqari, AQSh Somalida IShID bilan aloqador jangarilarga bir necha bor aviazarbalar bergan.