O‘zbekiston Italiyaning yangi tayinlangan elchisini qabul qildi

O‘zbekiston tomoni Italiyaning mamlakatdagi yangi tayinlangan favqulodda va muxtor elchisi Gvido De Sanktisni qabul qilib, uning ishonch yorliqlari nusxalarini rasman qabul qildi.

Foto: Telegram / bakhtiyor_saidov

Uchrashuv chog‘ida O‘zbekiston–Italiya o‘rtasidagi ikki tomonlama munosabatlarning bugungi holati va kelgusi istiqbollari muhokama qilindi. Tomonlar, avvalo, savdo-iqtisodiy hamkorlikni rivojlantirish, o‘zaro investitsiyalarni kengaytirish hamda ishbilarmon doiralar o‘rtasidagi to‘g‘ridan to‘g‘ri aloqalarni faollashtirish masalalariga alohida e’tibor qaratdi.

Shuningdek, amaliy hamkorlikni yanada mustahkamlash, qo‘shma loyihalarni amalga oshirish, yangi tashabbuslarni qo‘llab-quvvatlash va iqtisodiy sheriklikni chuqurlashtirish muhimligi ta’kidlandi. Tomonlar o‘zaro manfaatli yo‘nalishlarda hamkorlikni izchil rivojlantirishga tayyor ekanini bildirdi.

Uchrashuv yakunida O‘zbekiston tomoni elchi Gvido De Sanktisga mamlakatdagi diplomatik faoliyati davomida muvaffaqiyatlar tiladi.

Tayyorlagan: Отабек Матназаров

#Italiya #Gvido De Sanktis