Har kuni o‘rtacha 39 ming chaqiriq: “103” xizmati statistikasi

Respublika tez tibbiy yordam markazi direktori Abduvoit G‘ofurovning ta’kidlashicha, kelib tushgan chaqiruvlarning katta qismi shoshilinch ko‘rsatma bilan bog‘liq. Xususan:

• 10 218 037 ta — shoshilinch ko‘rsatma bilan;
• 3 856 901 ta — surunkali kasalliklar bo‘yicha;
• 100 453 ta — tug‘uruq holatlari.

Hisob-kitoblarga ko‘ra, 2025 yilda “103” xizmatiga kelgan murojaatlar kunlik o‘rtacha 39 178 tani, ya’ni bir soatda taxminan 1 632 ta, bir daqiqada esa o‘rtacha 27 ta chaqiriqni tashkil etgan.

Eng ko‘p murojaatlar qayd etilgan hududlar:

• Toshkent shahri — 1 462 006 ta;
• Farg‘ona viloyati — 1 455 255 ta;
• Andijon viloyati — 1 344 151 ta;
• Surxondaryo viloyati — 1 335 614 ta;
• Namangan viloyati — 1 328 391 ta.

Eng kam chaqiriqlar kuzatilgan hududlar:

• Navoiy viloyati — 416 210 ta;
• Sirdaryo viloyati — 456 803 ta;
• Jizzax viloyati — 561 894 ta;
• Buxoro viloyati — 678 499 ta;
• Xorazm viloyati — 688 594 ta.

Ma’lumot o‘rnida qayd etilishicha, so‘nggi 8 yilda “103” xizmati infratuzilmasini kengaytirish bo‘yicha amalga oshirilgan ishlar natijasida “103” xizmati shoxobchalari soni 818 tadan 1 680 taga, tez tibbiy yordam brigadalari soni esa 1 648 tadan 2 865 taga yetkazilgan.

Shuningdek, elektron avtomatlashtirilgan boshqaruv tizimi joriy etilishi hisobiga brigadalarning chaqiruvga yetib borish vaqti o‘rtacha 25–30 daqiqadan 10–15 daqiqagacha qisqargani ta’kidlanadi.