Reyting: dunyodagi eng qudratli 50 ta armiya

Maduro va uning turmush o‘rtog‘ini mustahkamlangan harbiy obekt hududidan atigi bir necha soat ichida muvaffaqiyatli olib chiqish shaxsiy tarkib tayyorgarligi, razvedka va logistika qanchalik hal qiluvchi rol o‘ynashini namoyish etdi. Aynan shu omillar ko‘p jihatdan qurolli kuchlarning haqiqiy quvvatini shakllantiradi.

Ushbu infografika 2025 yilda dunyodagi eng qudratli armiyalar reytingi (top-50)ni taqdim etadi. Uning asosida 145 ta davlatning harbiy salohiyatini baholaydigan Global Firepower Index ma’lumotlari yotadi.

Indeks 60 dan ortiq parametrni hisobga oladi: amaldagi harbiy xizmatchilar soni, quruqlik, havo va harbiy-dengiz kuchlari, logistik imkoniyatlar, tabiiy resurslar hamda geografik omillar va boshqalar. Muhim jihat: harbiy qudrat indeksi qanchalik past bo‘lsa, mamlakat shunchalik kuchli hisoblanadi.

Birinchi o‘rinda — AQSh: indeks ko‘rsatkichi eng past va amaldagi xizmatda 1,3 milliondan ortiq harbiy xizmatchiga ega. Bu AQShning beqiyos global qamrovi, ilg‘or texnologiyalari va qudratli logistik infratuzilmasini aks ettiradi.

Undan keyin Rossiya va Xitoy keladi. Xitoy yetakchi uchlikdagi eng katta faol qo‘shin soni bilan ajralib turadi — 2 milliondan ortiq. Rossiya esa katta inson resurslarini keng quruqlik va strategik imkoniyatlar bilan uyg‘unlashtiradi.

Harbiy xizmatchilar soni ahamiyatli bo‘lsa-da, u to‘liq tasavvur bermaydi. Masalan, Yaponiya, Buyuk Britaniya va Fransiya qo‘shinlari soni ayrim pastroq o‘rindagi davlatlarga nisbatan ancha kam bo‘lishiga qaramay, baribir yetakchi o‘nlikka kiradi.

Yaponiyaning yuqori o‘rni uning rivojlangan harbiy-dengiz va harbiy-havo kuchlari bilan izohlanadi: dunyodagi eng qudratli esminets birlashmalaridan biri, zamonaviy qiruvchi samolyotlar va samarali raketaga qarshi mudofaa tizimi.

Buyuk Britaniya nisbatan kichik quruqlik armiyasiga qaramay, kuchli aviatsiya va dengiz kuchlariga ega hamda NATO operatsiyalariga chuqur integratsiyalashgan. Fransiya esa yadro quroli, okean floti va mustaqil ravishda xorijda harbiy operatsiyalar o‘tkaza olish qobiliyati isbotlangani tufayli yetakchi harbiy davlatlar qatorida qolmoqda.