Qoʻshimcha funksionallar
-
Tungi ko‘rinish
Germaniyada ishsizlar soni uch milliondan oshdi
2026 yil yanvar oyida Germaniyada ishsizlar soni uch milliondan oshib, so‘nggi qariyb 12 yil ichidagi eng yuqori darajaga yetdi. Federal mehnat agentligi (Bundesagentur für Arbeit, BA) juma kuni, 30 yanvarda e’lon qilgan ma’lumotlarga ko‘ra, hozir bu ko‘rsatkich 3,085 million kishini tashkil etmoqda.
2025 yil dekabr oyiga nisbatan ishsizlar soni 177 ming kishiga oshgan, yillik taqqoslashda esa 92 ming kishiga ko‘paygan. Ishsizlik darajasi 0,4 foiz punktga o‘sib, 6,6 foizga yetgan. Ishsizlar soni bundan ham yuqori bo‘lgan holat oxirgi bor faqat 2014 yil fevral oyida qayd etilgan — o‘shanda u taxminan 3,138 million kishi edi.
Federal mehnat agentligi rahbari Andrea Nales ma’lum qilishicha, ishsizlar sonining o‘sishi mavsumiy omillar bilan bog‘liq. Odatda yanvar oyida ishsizlik darajasi deyarli har doim oshadi, chunki yil oxirida ko‘plab vaqtinchalik mehnat shartnomalarining muddati tugaydi. Shuningdek, qurilish, qishloq xo‘jaligi va turizm kabi ob-havoga bog‘liq sohalarda bandlik qisqaradi.
Mavzuga oid
10:35 / 22.06.2026
Ukraina Germaniya ishlab chiqarayotgan 600 ta raketaga buyurtma berdi
10:15 / 22.06.2026
Germaniyada ishlashni istovchilar uchun yangi dasturlar ishga tushirildi
12:04 / 18.06.2026
O‘zbekiston va Germaniya birinchi xonimlari inklyuziv ta’lim masalalarini muhokama qildi
21:45 / 17.06.2026