Qoʻshimcha funksionallar
-
Tungi ko‘rinish
Hayot Bank ustav kapitalini 550 mlrd so‘mgacha oshirdi
Hayot Bank ustav kapitalini 550 milliard so‘mgacha oshirdi. Bu qaror bankning moliyaviy barqarorligini mustahkamlash, ishonchliligini oshirish hamda kelgusi rivojlanish uchun mustahkam poydevor yaratishga qaratilgan muhim qadamdir.
Foto: Hayot Bank
Kapitalning oshirilishi nominal qiymati 1 000 so‘m bo‘lgan 50 million dona oddiy aksiyalar chiqarilishi hisobiga amalga oshirildi. Jalb etilgan qo‘shimcha mablag‘lar bankka mahsulotlar qatorini kengaytirish va xizmatlar sifatini yanada yaxshilash imkonini beradi.
Joriy yil davomida Hayot Bank aktivlari qariyb 4 baravarga oshdi, depozitlar va kredit portfeli ham sezilarli o‘sishni qayd etdi. Bu ko‘rsatkichlar bankning izchil va barqaror rivojlanayotganini tasdiqlaydi.
Qo‘shimcha kapital bankka kreditlash hajmini kengaytirish, yangi mahsulotlarni joriy etish va xizmat ko‘rsatish sifatini oshirish, jumladan, onlayn xizmatlarni rivojlantirish imkonini beradi. Hayot Bank biznes va mijozlar ehtiyojlariga mos, sodda, tushunarli va qulay moliyaviy yechimlarni taklif etishga alohida e’tibor qaratadi.
Kelgusida bank raqamli xizmatlarni rivojlantirish, zamonaviy texnologiyalar, jumladan, tahliliy vositalar va sun’iy intellekt elementlarini joriy etishni rejalashtirmoqda. Hayot Bankning asosiy maqsadi — o‘sish nafaqat moliyaviy ko‘rsatkichlarda, balki kundalik bank xizmatlarining qulayligi, tezligi va sifati orqali ham yaqqol sezilishidir.
