Serena pharma ta’sischisi “Do‘stlik” ordeni bilan mukofotlandi

Prezident farmoniga ko‘ra, Vijayvargi Satish Rameshchandra mamlakat farmatsevtika sohasidagi ko‘p yillik samarali mehnati, tadbirkorlikni rivojlantirish, aholini sifatli dori-darmon va tibbiyot vositalari bilan ta’minlash, xalq salomatligini mustahkamlashga qo‘shayotgan munosib hissasi uchun ushbu yuksak mukofotga sazovor bo‘ldi.

Hujjatda ta’kidlanishicha, u ilg‘or innovatsiyalar va ilm-fan yutuqlarini amaliyotga joriy etish, zamonaviy ishlab chiqarish quvvatlarini yaratish hamda aholi bandligini ta’minlash borasidagi katta xizmatlari uchun taqdirlangan.

Mazkur farmon 2026 yil 5 mart kuni imzolangan.