ADM Jizzakh S&P Global moliyaviy barqarorlik reytingiga sazovor bo‘ldi

O‘zbekiston xususiy sanoat sektori uchun bunday bahoga ega bo‘lish muhim qadam hisoblanadi. ADM Jizzakh xalqaro agentlik tomonidan rasman baholangan mahalliy bozorning sanoqli xususiy ishtirokchilaridan biriga aylandi.

Reytingning asosiy maqsadi — global brendlar va investorlar uchun ishonchli hamkor sifatidagi maqomni mustahkamlash. “Barqaror” prognozi bilan “B” darajasi ADM Jizzakh’ning moliyaviy barqarorligini tasdiqlaydi va kompaniyani xalqaro miqyosda tan olingan O‘zbekiston xususiy kompaniyalarining cheklangan doirasiga olib chiqadi.

Baholash quyidagi asosiy ko‘rsatkichlarga asoslanadi:

● EBITDA bo‘yicha rentabellik 13 foizdan yuqori va sof foydaning o‘sishi;

● o‘z majburiyatlarini belgilangan muddatda bajarish uchun aktivlar likvidligining yuqori darajasi;

● agentlik prognozlariga ko‘ra, yaqin ikki yil ichida zavodning barqaror rivojlanishi.

S&P tahlilchilari O‘zbekistonda avtomobil bozorining o‘sib borayotganini va zavoddagi ko‘p brendli ishlab chiqarish modeli ijobiy samara berayotganini ta’kidlaydi. Keng ko‘lamli investitsiya dasturiga qaramasdan (2026 yilda qariyb 1,8 trillion so‘m va 2027 yilda 1,2 trillion so‘m), ADM’ning qarz yuki nazorat ostida qolmoqda.

S&P reytingiga ega bo‘lish korporativ boshqaruv yetukligini va kompaniyaning O‘zbekistonni sanoatlashtirishdagi muhim o‘rnini tasdiqlaydi.

Veb-sayt | Elektron pochta

ADM: Instagram | Facebook | YouTube | X | LinkedIn

ADM Jizzakh: Telegram | Instagram | Facebook | YouTube

Reklama huquki asosida