Tramp Eronda zarbalar uchun nishonlar «deyarli qolmaganini» aytdi

Oq uy rahbari Eronga qarshi harbiy operatsiya tez orada yakunlanishini istisno qilmadi.

Foto: Getty images

AQSh prezidenti Donald Tramp Eronga qarshi harbiy operatsiya tez orada yakunlanishiga shama qildi. U o‘z pozitsiyasini Amerika kuchlari ushbu harbiy operatsiyada juda muvaffaqiyatli harakat qilayotgani va allaqachon sezilarli yutuqlarga erishgani bilan asosladi.

«(Eron hududida) zarba berish uchun nishonlar deyarli qolmadi», dedi AQSh prezidenti Axios nashriga. Uning qo‘shimcha qilishicha, dastlab Vashington operatsiyani olti hafta davom ettirishni rejalashtirgan.

AQSh va Isroil 28 fevral kuni Eronga qarshi harbiy operatsiya boshladi. 11 mart kuni Isroil mudofaa vaziri Israel Kats mojaro «muddat bo‘yicha hech qanday cheklovlarsiz - qancha kerak bo‘lsa, shuncha davom etishini» aytdi. Isroil va AQSh rasmiylari Eronga hujumlar kamida yana ikki hafta davom etishini kutmoqda, deb yozdi Axios. Shu bilan birga, Politico yaqinda manbalarga tayanib, AQSh Eronga qarshi kamida 100 kunlik operatsiyani rejalashtirayotgani haqida xabar bergan edi.

Tayyorlagan Сардор Юсупов

#AQSh #Eron #Donald Tramp

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.