Texnologiya | 21:42 / 14.03.2026
1117
1 daqiqa o‘qiladi

Xitoyda politsiya keksa ayolni cho‘chitib yuborgan robotni “qo‘lga oldi”

Ijtimoiy tarmoqlarda tarqalgan videoda ayol robotga qarab jahl bilan gapirayotgani, shuningdek politsiya xodimlari robotni olib ketayotgani aks etgan. 

Foto: Videodan kadr

Xitoyning Makao tumanida odamsimon robot ishtirokida g‘ayrioddiy voqea sodir bo‘ldi. Yetmish yoshli ayol ko‘chada telefon ekraniga qarab ketayotib birdan to‘xtagan va ortidan kelayotgan Unitree G1 robotini ko‘rib qattiq qo‘rqib ketgan

Ijtimoiy tarmoqlarda tarqalgan videoda ayol robotga qarab jahl bilan gapirayotgani, shuningdek politsiya xodimlari robotni olib ketayotgani aks etgan. 

Ma’lum bo‘lishicha, robot Makaodagi ta’lim markaziga tegishli bo‘lib, undan hududdagi reklama aksiyalarida foydalanilgan. Markaz vakili Tovin Makning tushuntirishicha, ayol yo‘lda to‘xtab qolgani uchun robot uning yonidan aylanib o‘ta olmagan hamda yo‘l bo‘shashini kutib turgan. 

Ayol kuchli stressni boshdan kechirgan. Hodisa joyiga kelgan politsiya xodimlariga u o‘zini yomon his qilayotganini aytgan va shifoxonaga olib borilgan.  

Дилшодбек Асқаров
Tayyorlagan Дилшодбек Асқаров
Kun.uz yangiliklarini Google News'da kuzating
+ Obuna bo'lish

Mavzuga oid