Қўшимча функционаллар
-
Тунги кўриниш
Хитойда полиция кекса аёлни чўчитиб юборган роботни “қўлга олди”
Ижтимоий тармоқларда тарқалган видеода аёл роботга қараб жаҳл билан гапираётгани, шунингдек полиция ходимлари роботни олиб кетаётгани акс этган.
Фото: Видеодан кадр
Хитойнинг Макао туманида одамсимон робот иштирокида ғайриоддий воқеа содир бўлди. Етмиш ёшли аёл кўчада телефон экранига қараб кетаётиб бирдан тўхтаган ва ортидан келаётган Unitree G1 роботини кўриб қаттиқ қўрқиб кетган.
Ижтимоий тармоқларда тарқалган видеода аёл роботга қараб жаҳл билан гапираётгани, шунингдек полиция ходимлари роботни олиб кетаётгани акс этган.
Маълум бўлишича, робот Макаодаги таълим марказига тегишли бўлиб, ундан ҳудуддаги реклама акцияларида фойдаланилган. Марказ вакили Товин Макнинг тушунтиришича, аёл йўлда тўхтаб қолгани учун робот унинг ёнидан айланиб ўта олмаган ҳамда йўл бўшашини кутиб турган.
Аёл кучли стрессни бошдан кечирган. Ҳодиса жойига келган полиция ходимларига у ўзини ёмон ҳис қилаётганини айтган ва шифохонага олиб борилган.
Мавзуга оид
13:27 / 14.03.2026
Трамп Путиннинг Эрондан уранни Россияга олиб чиқиш ҳақидаги ғоясини рад этди
23:15 / 13.03.2026
Хитой мия имплантини тижорий мақсадларда ишлатишни маъқуллаган биринчи давлат бўлди
10:03 / 13.03.2026
Хитой “этник бирлик” ҳақидаги ўта баҳсли қонунни қабул қилди
15:24 / 12.03.2026