Kyurasao banknotasi 2025 yilda dunyodagi eng yaxshisi deb topildi

Xalqaro banknotlar jamiyati (IBNS) nufuzli «Yil banknotasi 2025» mukofoti g‘olibini e’lon qildi. Tarixda birinchi marta mukofot Kyurasao va Sint-Marten Markaziy bankining 200 Karib guldeni banknotasiga berildi.

Nega aynan u g‘alaba qozondi?

Banknota yangi «Suv osti olami» (World Under the Sea) seriyasiga kiradi. Dizayn Karib havzasining boy dengiz hayotiga bag‘ishlangan: old tomonida dengiz otchasi va marjonlar, orqa tomonida esa mashhur Queen Emma Bridge suzuvchi ko‘prigi tasvirlangan. Banknot yorqin binafsha rangda ishlangan va ilg‘or himoya elementlarini o‘z ichiga oladi.

Kyurasao — Niderlandiya Qirolligi tarkibidagi avtonom mamlakat bo‘lib, Karib dengizining janubiy qismida, Venesuela qirg‘oqlari yaqinida joylashgan. Sint-Marten va Karib dengizi Niderlandiyasining boshqa orollari bilan birgalikda alohida valuta zonasini tashkil etadi.

Yangi seriya 2025 yil mart oyida muomalaga kiritildi va allaqachon kolleksionerlar tomonidan yuqori baholandi.

2025 yilning boshqa sovrindorlari:

- 2-o‘rin - Fiji 5 dollari;

- 3-o‘rin - Zambiyaning 100 kvachi.

Shuningdek, eng yaxshi banknotlar ichida Xitoy 20 yuani, BAA 100 dirhami, Eronning 2 million riyoli, Qozog‘istonning 1000 tengesi, Rossiyaning 1000 rubli, Tojikistonning 100 somoniysi va boshqalar bor.