Saida Mirziyoyeva AQSh kompaniyalari vakillari bilan uchrashdi

Prezident Administratsiyasi rahbari Saida Mirziyoyeva 16 iyun kuni Toshkent xalqaro investitsiya forumi arafasida AQSh Xalqaro moliyaviy taraqqiyot korporatsiyasi hamda Eksport-import banki rahbariyati, shuningdek, Amerika biznes doiralari vakillari ishtirokida davra suhbatida qatnashdi. Tadbirda prezident Shavkat Mirziyoyev ham ishtirok etdi.

«Amerika moliyaviy institutlari va kompaniyalarining mamlakatimizga bo‘lgan qiziqishi ortib bormoqda. O‘z navbatida, O‘zbekiston ham xorijiy investorlar uchun hamkorlikning mutlaqo yangi va istiqbolli yo‘nalishlarini taklif etib, ishonchli sherik sifatidagi mavqeyini qat’iy mustahkamlab kelmoqda», deb yozdi Saida Mirziyoyeva.