Uzunligi qariyb 6 metr - Amerikadagi eng mashhur avtomobil nomi e’lon qilindi

Focus2Move xabariga ko‘ra, ushbu avtomobil savdosi yillik hisobda 15,1 foizga kamaygan bo‘lsa-da, hali ham Amerika bozorining 4,5 foizini egallamoqda.

Ford F-Series - 1948 yildan beri Ford Motor Company tomonidan ishlab chiqarilayotgan afsonaviy to‘liq o‘lchamli pikaplar seriyasidir. Bugungi kungacha zavod 40 milliondan ortiq shunday avtomobillarni ishlab chiqargan.

Ikkinchi o‘rinni Chevrolet Silverado egalladi, u ham to‘liq o‘lchamli pikap hisoblanadi. U 1990-yillarda ishlab chiqarila boshlangan va bugungi kunda Amerika bozorining 3,6 foizini egallaydi.

Ta’kidlash joizki, Ford F-Series va Chevrolet Silverado zamonaviy versiyalari bozordagi eng katta seriyali avtomobillardan biridir. Shunday qilib, F-Series modelining ko‘pchilik versiyalarining uzunligi 5800 mm dan oshadi.

Ford F-Series va Chevrolet Silverado konstruktiv jihatdan oddiy yengil avtomobillarga qaraganda to‘laqonli yuk mashinalariga yaqinroq. Shu bilan birga, ikkala model ham juda qulay va kundalik sayohatlar uchun foydalanish mumkin.

Umuman olganda, Amerika avtomobil bozorining o‘nta yetakchisi quyidagicha:

• Ford F-Series (sotuvlar 15,1 foizga kamaygan);

• Chevrolet Silverado (-1%);

• Honda CR-V (+2,5%);

• Ram Pickup (+16,7%);

• Toyota Camry (+13,4%);

• GMC Sierra (-3,9%);

• Chevrolet Equinox (-4,7%);

• Tesla Model Y (+3,5%);

• Nissan Rogue (+30,3%);

• Toyota RAV4 (-40%).