Britaniyada nam salfetkalarni sotish taqiqlandi

Mindmegette xabariga ko‘ra, taqiq ham do‘konlarga, ham onlayn savdoga ta’sir qiladi va mamlakatning turli hududlarida bosqichma-bosqich kuchga kiradi.

Ma’lum bo‘lishicha, muammo unchalik yangi emas. Odatiy nam salfetkalarning aksariyati aslida plastik tolalardan iborat - aynan ular matoni mustahkam, ammo shu bilan birga «o‘lmas» qiladi: bunday salfetkalar yillar davomida parchalanmaydi. Agar ular hojatxonaga tashlansa, kanalizatsiyani to‘ldirib, daryo va dengizlarga mikroplastik shaklida tushadi. Ushbu salfetkalarni ishlab chiqarish issiqxona gazlarining ko‘plab chiqindilarini keltirib chiqarishi ham tashvishlarni oshiradi.

Uels birinchi bo‘lib 2026 yil 18 dekabrdan boshlab bunday salfetkalarni sotishdan voz kechadi. Undan keyin 2027 yil may oyida Shimoliy Irlandiya va Angliya, o‘sha yilning avgust oyida esa Shotlandiya qo‘shiladi.

Bolalar salfetkalari, makiyajni ketkazish vositalari, nam hojatxona qog‘ozi, qo‘l uchun antibakterial salfetkalar, shaxsiy gigiyena mahsulotlari va maishiy tozalash salfetkalari taqiqlanadi.

Tarkibida plastik bo‘lmagan salfetkalar ko‘p marta ishlatiladiganlari kabi savdoda qoladi. Tibbiy buyumlar uchun ham istisno qilindi - ularni keyinchalik ham ma’lum shartlar asosida dorixonalar va shifoxonalar tarqatishi mumkin bo‘ladi.