Qoʻshimcha funksionallar
-
Tungi ko‘rinish
O‘zbekiston aholisining 89,4 foizini o‘zbeklar tashkil etadi
Ro‘yxatga olish natijalariga ko‘ra, O‘zbekiston aholisining 34,9 million nafari yoki 89,4 foizi o‘zbek millatiga mansub. Shuningdek, aholining 35,7 mln nafari yoki 91,3 foizi o‘zbek tilini ona tili deb hisoblaydi.
O‘zbekiston aholisining 89,4 foizini o‘zbeklar tashkil etadi. Bu haqda aholini ro‘yxatga olishning dastlabki natijalariga bag‘ishlangan matbuot anjumanida ma’lum qilindi.
2026 yil boshida o‘tkazilgan ro‘yxatga olishning dastlabki natijalariga ko‘ra, O‘zbekiston aholisining milliy tarkibi quyidagicha:
-
o‘zbeklar – 34 901 261 (89,4 foiz);
-
tojiklar – 1 278 941 (3,27 foiz);
-
qoraqalpoqlar – 841 397 (2,15 foiz);
-
qozoqlar – 707 329 (1,81 foiz);
-
ruslar – 606 528 (1,55 foiz);
-
qirg‘izlar – 219 091 (0,56 foiz);
-
turkmanlar – 194 757 (0,50 foiz);
-
boshqa millatlar – 300 010 (0,77 foiz).
Shuningdek, aholining 35,7 mln nafari yoki 91,3 foizi o‘zbek tilini ona tili sifatida ko‘rsatgan. Bu ko‘rsatkich etnik o‘zbeklar ulushidan 1,9 foiz punktga yuqori.
Avvalroq ro‘yxatga olish natijalari bo‘yicha O‘zbekiston aholisi 39 milliondan oshgani xabar qilingandi.
Mavzuga oid
12:17
1,6 mln o‘zbekistonlik ishi tufayli ro‘yxatga olish vaqtida doimiy yashash joyida bo‘lmagan
11:04
O‘zbekistonda yashayotganiga 1 yildan oshgan har to‘rt nafar xorijlikdan biri – hindistonlik
10:49
Ro‘yxatga olish natijasida O‘zbekiston aholisi soni 39 milliondan oshiq ekani ma’lum bo‘ldi
10:10 / 27.06.2026