Ulkan dinozavr skeleti auksionda 50 million dollarga sotildi

Taxminan 67 million yil oldin yashagan Gas laqabli tiranozavr-reks skeleti Sotheby’s kimoshdi savdosida 50,1 million dollarga sotildi.

Lot dastlab 20-30 millionga baholangan edi. Gas kimoshdi savdosida sotilgan eng qimmat dinozavr skeletiga aylandi.

Avvalgi rekord 2024 yilda 44,6 million dollarga sotib olingan Apeks laqabli stegozavr skeletiga tegishli edi.

Lot tavsifidagi ma’lumotlarga ko‘ra, uning balandligi deyarli to‘rt metr, uzunligi esa deyarli 12 metrni tashkil etadi. Bu eng yirik tirannozavrlardan biri bo‘lib, uning skeleti 183 ta suyak elementi va kamdan-kam uchraydigan qorin qovurg‘alari — 32 ta gastraldan 30 tasini o‘z ichiga oladi.

Gas skeleti suyaklar soni bo‘yicha taxminan 61% va og‘irligi bo‘yicha 75-80% saqlanib qolgan. Uning bosh suyagi taxminan 82% saqlanib qolgan bo‘lib, u oltita tish qatorining barchasini o‘z ichiga oladi.

Gasning skeleti Janubiy Dakotadagi (AQSh) xususiy chorvachilik ranchosidan topildi, u 2021 yildan 2023 yilgacha to‘liq qazib olindi. Dinozavr o‘z laqabini rancho egasi sharafiga olgan.