Hong Kong Airline самолёти кучли турбулентликка тушиши оқибатида 17 киши жароҳат олди

Hong Kong Airline авиакомпаниясига қарашли, Индонезиянинг Денпасар шаҳридан Гонконгга парвоз амалга ошираётган самолёти кучли турбулентлик соҳасига тушиб қолди. Индонезия табиий фожиалар оқибатларини бартараф этиш миллий агентлиги матбуот котиби Сутопо Пурво Нугрохунинг маълум қилишича, нохуш воқеа оқибатида 17 киши жароҳат олди.

"Самолёт Малайзиянинг Борнео ороли устида кучли турбулентликка тушиб қолди, у шундан кейин жўнаш манзили – Бали ороли жанубида жойлашган Денпасар шаҳрига қайтиб борди", деб маълум қилди Нугроху.

Нугроху тез тиббий ёрдам ходимлари барча жароҳат олганларни шифохоналарга етказганини, улардан 3 киши жиддий жароҳатлар олганини қўшимча қилди.

Самолётда 204 йўловчи ва экипажнинг 12 нафар аъзоси бўлган.