Филиппинда президентлик сайлови кунида юз берган отишма туфайли 7 киши ҳалок бўлди

Филиппинда президентлик сайлови, шунингдек вице-президент, сенаторлар ва 18 минг маҳаллий амалдорлар учун сайловлар бўлиб ўтмоқда.

Сайлов кунида мамлакат пойтахти Манила шаҳри яқинида автомобил ва 2та мотоциклдаги жиноятчилар ўт очиши туфайли 7 киши ҳалок бўлган ва 1 киши жароҳатланган.

Сайлов вақтида тартибни сақлашга жавобгар бўлган масъул Жонатан дель Росарионинг маълумотига кўра қуролланган шахслар ҳужуми сиёсий зиддиятлар марказларидан бири ҳисобланадиган Кавите вилоятида, сайлов участкалари очилишидан бироз олдинроқ рўй берган.

Росарионинг қўшимча қилишича, йил бошидан буён камида 15 киши сиёсий қарама-қаршиликлар қурбонига айланган.

Бугунги отишманинг аниқ сабаби келтирилмаган.