Обама Далласдаги отишма сабаб Европа сафарини якунлайдиган бўлди

АҚШ президенти Далласда қурбонлар полиция ходимлари бўлган қирғин сабаб Европа сафарини бир кун олдин тамомлайдиган бўлди. У кейинги ҳафта Далласга ташриф буюради. Бу ҳақда Оқ уй матбуот котиби Жошуа Эрнест журналистларга хабар берган.

"Президент (Обама) Даллас мэри Майкл Роулингснинг таклифини қабул қилди ва кейинги ҳафта Далласга ташриф буюради", - дейилади хабарда.

Аввал маълум қилинганидек, Обама Варшавада ўтган НАТО саммитида қатнашди. Шундан сўнг у Мадридга ташриф буюриб, Испания қироли Филипп VI ва ҳукуматнинг бошқа аъзолари билан учрашишни режалаштирган эди. "Президент Вашингтонга 10 июль тунда қайтади", - дейилади Оқ уй маълумотида.