АҚШда шимоллик корейслар 2та ракета учиргани ҳақида айтишди

АҚШ қуролли кучлари Шимолий Кореядан бир вақтда иккита ракета учирилгани қайд қилинганини маълум қилди. Бу ҳақда Reuters ахборот агентлиги хабар бермоқда. 

АҚШ қуролли кучларининг стратегик қўмондонлиги Шимолий Корея бир вақтда бирданига иккита ракета учирганини маълум қилган. Ракеталар Хванхэ-Намдо вилоятидан учирилган. Улардан бири учирилиши биланоқ портлаб кетган, Япония ва Жанубий Корея томонидан қайд қилинган иккинчиси эса Япон денгизи томон учирилган.    

АҚШ Давлат департаменти ракеталар учирилишини қоралаган.

Аввалроқ Япония бош вазири Шимолий Корея ракеталари учирилиши туфайли огоҳликни кучайтиришни буюрганди.

Шимолий Корея БМТ Хавфсизлик кенгашининг тақиқларига қарамасдан, баллистик ракеталар учирилишини синовдан ўтказишни давом эттирмоқда.