Россиялик Олимпия чемпионига юртида от совға қилинадиган бўлди

Россиялик эркин курашчи, 86 кг вазн тоифасида Риодаги Олимпиада ғолиби бўлган Абдулрашид Садулаев ўз юрти – Доғистонда кўплаб совғалар билан мукофотланадиган бўлди. Доғистон раҳбари Рамазан Абдулатипов курашчига от совға қилишга ваъда берди.

Шунингдек, Олимпия чемпионига пул мукофоти ҳам берилади. Бу билан совғалар рўйхати тугамайди. 

20 августда Адбулрашид Садулаев эркин кураш бўйича олтин медални қўлга киритди. Садулаев финал баҳсида туркиялик курашчи Селим Яшарни 5:0 ҳисобида мағлуб этди.