Таиланд жанубидаги меҳмонхонада портлаш юз берди

Таиланд жанубида жойлашган Паттани шаҳридаги меҳмонхонада портлаш юз берди. Бу ҳақда Mirror хабар берган.

Қайд этилишича, портлаш оқибатида камида 1 киши ҳалок бўлиб, 30 киши жароҳатланган. Уларнинг 18 нафари оғир аҳволда.

Хабарда айтилишича, бу ҳудуд сайёҳлар кўп ташриф буюрадиган жой бўлган.

Портлашдан кейин ҳудудда ёнғин бошланган. Аниқлик киритилишича, автомобилга ўрнатилган портловчи қурилма ишга туширилган.

Ҳозирда ҳодиса тафсилотлари аниқланмоқда.