Колумбия ҳукумати ва Колумбия инқилобий қуролли кучлари (КИҚК) ўзаро зиддиятга барҳам берувчи тарихий келишувни имзолади, деб хабар қилмоқда «Би-би-си» телеканали.
«Ҳукумат ва КИҚК вакиллари баёнотига кўра, улар барқарор ва узоқ ҳукм сурувчи тинч Колумбияни барпо этиш учун якуний, ҳар томонлама чуқур ўйланган ва сўнгги келишувга эришганлар», — дейилади хабарда.
Колумбия ҳукумати делегацияси раҳбари Умберто де ла Калле ва КИҚКнинг музокаралардаги бош вакили Иван Маркес Куба пойтахти Ҳаванада бўлиб ўтган махсус анжуманда келишувни имзолаганлар.
