Тошкент шаҳрида Cobalt русумли йўналишсиз такси автомобили ёниб кетди

“Фейсбук” ижтимоий тармоғидаги “Водители Ташкента” гуруҳида мудҳиш йўл-транспорти ҳақида пост қолдирилди. Унда 25 август куни Тошкент шаҳри Паркент бозори яқинидаги ҳудудда Сobalt русумли йўналишсиз такси автомобили аянчли тарзда ёна бошлаганига гувоҳ бўлиш мумкин. Гуруҳ фойдаланувчиларининг сўзларига кўра, такси ичида ҳеч ким бўлмаган.

Изоҳ тарзида қолдирилган видеода ўт ўчирувчилар ёнғинни ўз вақтида бартараф этганини кўриш мумкин. Сobalt автомобили эса ёнғин оқибатида жиддий зарар кўрган.