Қирғизистонда 29 август мотам куни деб эълон қилинди

Қирғизистон президенти мамлакат фуқаролари Москвадаги омборхонада чиққан ёнғин оқибатида ҳалок бўлгани муносабати билан 29 августни мотам куни деб эълон қилди. Бу ҳақда РИА Новости хабар берган.

"Президент 29 августни фожиа қурбонлари хотираси учун мотам куни деб эълон қилди", дейилган хабарда.

Шу куни мамлакатда давлат байроқлари туширилиб, қўнгилочар тадбирлар бекор қилинади. Радио ва телеканалларда кўнгилочар дастурлар ва реклама тўхтатилади. 

Ёнғин 27 август, шанба куни эрталаб содир бўлди. Бундан олдинги хабарларда ҳодиса вақтида ҳалок бўлган 17 кишининг 14 нафари қирғизистонлик экани маълум қилинганди.