Суриялик селфи олаётганда ўзи ва дўстларини тасодифан портлатиб юборди

Интернетда Сурия озод армияси (Сурия президенти Башар Асад ҳукуматига мухолиф гуруҳ) жангчиси дея эҳтимол қилинаётган кимса селфига тушиш вақтида ўзини ва дўстларини тасодифан портлатиб юборгани видеоси чоп этилди. Бу ҳақда The Daily Mail нашри хабар бермоқда. 

Видеода 8 эркак бир хонада ўтириб, караоке куйлаётгани, улар олдида қуроллари борлигини кўриш мумкин. Шу пайт улардан бири дўстлари билан вақти чоғлиқ онларини телефони ёрдамида суратга олмоқчи бўлган. У керакли ҳолатни эгаллаб, телефон тугмасини босганда хонада портлаш юз берган.

Кўринишича, эркак ишлатган телефон орқали портловчи қурилмани ишга тушириш режалаштирилган. Шунинг учун телефон тугмасини босиш портловчи қурилманинг портлашига олиб келган.