Нью-Йоркдаги портлаш ҳудудида портламай қолган 2та портловчи қурилма топилди

АҚШ полицияси Нью-Йорк шаҳрида яна бир портловчи қурилмани аниқлади. Айни вақтда текширувлар давом эттирилмоқда.

Шанба куни кечқурун Манхэттен тумани, Челси даҳаси яқинида кучли портлаш содир бўлди. Террорчилар кўплаб дўконлар, ресторанлар, барлар жойлашган ҳудудн танлашган. Портлаш вақтида ҳудудда одамлар кўп бўлган.

Портлаш шаҳардаги 6-авеню ва 23-кўча бурчагидаги хонадон яқинида рўй берган.

Портлаш оқибатида 29 киши жабрланган, улардан бири оғир аҳволда қолмоқда.

Бундан олдинроқ текширувлар давомида ҳудудда ҳаракатга келтирилмаган қўлбола портловчи қурилма аниқланган ва сапёрлар томонидан портлатилгани маълум бўлганди.