Қўшимча функционаллар
-
Тунги кўриниш
Хакерлар WADA маълумотлар базасидан ўғриланган ҳужжатларнинг 5-қисмини чоп этдилар
Fancy Bears хакерлик гуруҳи 23 сентябрда Бутунжаҳон аксилдопинг агентлиги (WADA) маълумотлар базасидан ўғриланган ҳужжатларнинг 5-қисмини чоп этди.
Рўйхатда WADA’дан даволаш мақсадида тақиқланган моддаларни қабул қилишга рухсат олган спортчилар номи келтирилган. Ҳаммаси бўлиб 13 та давлатдан 41 нафар спортчининг номи келтирилган. Улар орасида Москванинг "ЦСКА" баскетбол жамоаси ўйинчиси, сербиялик Милош Теодосич ва номдор велопойгачи Фабиан Канчеллара номлари тилга олинган.
Хакерлик гуруҳи тақиқланган моддаларни қабул қилишга рухсат олган спортчилар рўйхатларини босқичма-босқич чоп этиб бормоқда. Агентлик чоп этилган маълумотлар ҳақиқийлигини тан олди.
Бундан аввал чоп этилган 4-қисмда испаниялик теннисчи Рафаэль Надал, британиялик югурувчи Муҳаммад Фараҳ ва венгриялик сузувчи Ласло Чех номлари бўлган. Маълумотларнинг 1-қисми хакерлик гуруҳи сайтида 13 сентябрда чоп этилган. Ўша қисмда АҚШлик спортчилар: опа-сингил теннисчилар Венус ва Серена Уильямс, Риодаги Олимпиада олтин медаллари соҳибаси, гимнастикачи Симона Байлз ва баскетболчи Елена Делле Донн номлари бўлган.
Мавзуга оид
23:45 / 27.10.2021
Украина аксилдопинг агентлиги раҳбарияти можародан кейин истеъфога чиқди
00:00 / 18.12.2020
Россиялик спортчилар 2022 йилгача мамлакат байроғи остида иштирок эта олмайди
17:21 / 19.12.2019
Путин: «Россиянинг катта мусобақалардан четлатилиши соғлом ақлга зид»
08:00 / 10.12.2019