"Барселона" меҳмонда "Спортинг"ни тор-мор этди

"Барселона" Испания примерасининг 6-турида Хихоннинг "Спортинг" клубини меҳмонда тор-мор этди. Хихондаги "Эль-Молинон" стадионида ўтган учрашув 0:5 ҳисоби билан якунланди.

"Барса" таркибида Неймар дубль расмийлаштирди, Луис Суарес, Рафинья ва Арда Турон биттадан гол уришди. "Спортинг" кетма-кет учинчи мағлубиятга учради.

"Барса" 13 очко тўплаб, пешқадам "Реал"га етиб олди, бироқ мадридликларда битта ўйин захирада бор. "Спортинг" эса 7 очко билан 10-ўринда бормоқда.

Испания Примераси. 6-тур
Спортинг Хихон – Барселона – 0:5
Голлар: Суарес, 29 (0:1); Рафинья, 32 (0:2); Неймар, 81 (0:3); Туран, 85 (0:4); Неймар, 88 (0:5).
Четлатиш: Лора, 74 (Спортинг)

Аввалроқ ўтган "Эйбар"-"Реал Сосьедад" 2:0 ҳисоби билан якунланди.

Эйбар – Реал Сосьедад – 2:0
Голлар: Ильяраменди, 57 (1:0, автогол); Бебе, 66 (2:0).
Четлатиш: Элустондо, 24 (Реал Сосьедад).

Шунингдек, айни вақтда "Атлетик" – "Севилья"  учрашуви бўлиб ўтмоқда. Ундан сўнг Тошкент вақти билан соат 23.45да "Лас-Палмас" Мадриднинг "Реал" клубини қабул қилади.