Трамп Япония ўз хавфсизлигини таъминлаши учун АҚШга пул тўлашини таклиф этди

АҚШ президентлиги учун сайловда Республикачилар партиясидан номзод бўлмиш Дональд Трамп Япония ва бошқа мамлакатлар ўз хавфсизлигини таъминлаши учун АҚШга пул тўлаши ёки АҚШнинг қарзларидан қутулишида ёрдам бериши кераклигини таъкидлади.

"Биз Японияни ҳимоя қила олмаймиз... Мен шуни айтаманки, улар ўзларини ўзлари ҳимоя қила олишлари ёки бизга пул тўлаб, қарзларимиздан халос бўлишга ёрдам беришлари керак. Биз 20 триллион қарзга эга мамлакатмиз", деган Трамп.

У "АҚШ Жанубий Корея, Саудия Арабистони, Япония каби қатор мамлакатлар хавфсизлигини ҳимоя қилиб келаётгани ва бу мамлакатлар бунинг учун пул тўлашмаётгани"ни қайд этиб ўтган.