Россиянинг АҚШдаги элчихонасида хавфсизлик чоралари кучайтирилди

Фото: © Flickr

Россиянинг АҚШдаги элчихонаси Ҳалабдаги вазиятнинг кескинлашиши муносабати билан экстремистларнинг норозилик намойиши ўтказиш таҳдиди сабабли хавфсизлик чораларини кучайтирди.

Россия элчихонасининг матбуот котиби россияликларни АҚШда жуда эътиборли бўлишга чақирди.

"Биз хавфсизлик чораларини кучайтирдик. Россиялик фуқароларга одамлар гавжум жойлардан сақланиш, огоҳ бўлиш ва Россия ташқи ишлар вазирлиги тавсияларига амал қилиш тавсия қилинади", деб айтди матбуот котиби.

Аввалроқ Россия ташқи ишлар вазирлигида бир қатор, жумладан исломчи ташкилотлар Суриянинг Ҳалабидаги янги жанговор ҳаракатларга қарши 30 сентябрда "Бутунжаҳон нафрат ва норозилик куни"ни ўтказишга чақирганларидан огоҳлантирганди.