Қўшимча функционаллар
-
Тунги кўриниш
Жаҳон | 10:36 / 07.10.2016
8263
1 дақиқада ўқилади
40дан ортиқ афғонистонлик ҳарбий АҚШдаги машғулотлардан қочиб кетгани маълум бўлди
АҚШдаги машғулотлар вақтида 40 нафардан ортиқ ҳарбий қочиб кетган. Бу ҳақда Пентагон матбуот котиби Питер Кук маълум қилган.
"Сўнгги икки йил ёки шу атрофида. Бундайлар сони 40дан зиёдни ташкил этди...", — деди Кук.
Унинг сўзларига кўра, Пентагон улардан 32 нафари қаерда экани ҳақида аниқ маълумотга эга.
"Биз бор эътиборимизни уларнинг ҳаракатига ва мақсадларига қаратишимиз керак. Айрим ҳолларга кўра, улар уйларига қайтиб кетишяпти. Айримлари эса Канадага ўтиб кетишяпти. Яна айримлари АҚШда қонуний асосда қолишган”, — деди Кук.
