Ҳарбий манба Мўсул учун жангларда кимлар иштирок этаётганига аниқлик киритди

Фото: Reuters

Ироқдаги Мўсул шаҳрини озод этиш учун бошланган жангларда хорижий пиёдалар иштирок этмаяпти. Бу ҳақда Ироқ ҳарбийларига асосланиб РИА Новости хабар тарқатди.

"Айни вақтда коалиция кучлари ҳарбий амалиётни ҳаводан туриб қўллаб-қувватламоқда. Бошқача келишув йўқ. Яъни фақат жангларда хорижликларнинг самолётлари қатнашмоқда, пиёдалари эса йўқ. Ироққа фақат ироқлик ҳарбийларни тайёрлаш учун ҳарбий маслаҳатчилар юборилган", деган манба.

Унинг сўзларига кўра, амалиётларга на Россия ҲКК, на Туркия самолётлари, на Ироқ, Россия, Эрон ва Суриянинг Бағдодда ташкил қилган мувофиқлаштирувчи маркази иштирок этмоқда. Кампаниядагиларнинг барчаси битта бошқарма томонидан ҳаракатлантирилмоқда.

17 окябрга ўтар кечаси Ироқ бош вазири Ҳайдар ал-Ободий Мўсулни ИШИДдан қайтариб олиш учун ҳал қилувчи жанглар бошланишини эълон қилди. Ҳарбий ҳаракатлар 2 ҳафтада якунланиши режалаштирилган.

#коалиция #Мўсул

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.