ИШИД Сурияда америкаликлар самолётини уриб туширгани ҳақида маълум қилди

Фото: НТВ

ИШИД Сурия шимоли-шарқидаги Ҳасеке вилояти ҳудудида америкаликлар самолёти уриб туширилгани ҳақида маълум қилди. Бу ҳақда ИШИДнинг тарғибот сайти бўлмиш Amaq News Agency хабар тарқатган.

Қайд этилишича, жангарилар америкаликларнинг A-10 русумли штурмовикини уриб туширишган.

Экстремистлар фаолиятини кузатиб борувчи SITE Intelligence group ҳам шундай хабар тарқатди.

Воқеа тафсилотлари келтирилмаган.

Бу маълумот расман тасдиқланмади.

Бунгача ҳам бир марта ИШИД шундай хабар тарқатган, лекин бу маълумот тасдиғини топмаганди.

Тайёрлаган Азиз Қаршиев

#ИШИД #A-10

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.