Афғонистонда автомобилдаги худкуш портлаш содир этди

Фото: REUTERS

"Толибон" террорчилик гуруҳи жангарилари Афғонистоннинг Гильменд вилоятида худкушнинг автомобилига ўрнатилган бомба ёрдамида кучли портлаш содир этди. Машинанинг портлаши акс этган лавҳалар интернетда пайдо бўлди. Бу ҳақда Reuters ахборот агентлиги хабар бермоқда.

Портлатилган бино Афғонистон қўшинларига тегишли бўлиши мумкин. Ҳозирда Афғонистон ҳукумат қўшинлари Гильменд вилоятида жангариларга қарши ҳарбий операция ўтказмоқда.

Таъкидланишича, Афғонистон армияси сезиларли муваффақиятларга эришган, бироқ кейинроқ террорчилар қайта гуруҳланиб, қарши ҳужумга ўтган ва бир неча теракт ва пистирмалар уюштирган. Видеода айнан шундай ҳужумлардан бири акс этган бўлиши мумкин.