Туркия шарқидаги портлашда бир полициячи ҳалок бўлди

23 октябрга ўтар кечаси Туркия шарқида портлаш содир бўлди. Аниқланишича, Бингель вилоятида жойлашган Ганч шаҳрида миналаштирилган автомобиль портлатилган. Бу ҳужум автомобиль ёнидан полициянинг зирҳли машинаси ўтаётганда юз берган, деб хабар бермоқда Anadolu ахборот агентлиги.

Воқеа оқибатида бир полициячи ҳалок бўлган, яна 16 киши, жумладан 6 полициячи жароҳат олган. 

Туркия ҳукумати бу терактда Курдистон ишчи партияси аъзоларининг қўли борлигига гумон қилмоқда. Айни вақтда вилоятда жангариларни йўқ қилиш бўйича операция ўтказилмоқда.