Трамп: Клинтон АҚШни Учинчи жаҳон урушига етаклайди

АҚШ президентлиги учун Республикачилар партияси номзоди Дональд Трампнинг баёнот беришича, унинг демократлар партиясидан рақиби Ҳиллари Клинтон президентликка сайлангудек бўлса, мамлакатни Учинчи жаҳон урушига бошлаши мумкин. Трамп Reuters агентлигига берган интервьюсида шундай фикрни илгари сурган.

«Клинтоннинг Сурия бўйича режаси йўқ. У давлат раҳбари бўлса, ҳаммаси Учинчи жаҳон уруши билан тугайди. У нима қилаётганини билмайди, худди Ливияда билмаганидек, бошқасида ҳам шундай», — деган Трамп.

Аввалроқ, Клинтон сиёсий рақиби Трампни мамлакат бўйлаб 5 фоизга ортда қолдираётгани ва Америка ОАВ Клинтон ғалабасини тахмин қилаётгани ҳақида хабар қилинган эди.